بارہ بنکی: ایس پی کارکنان کا احتجاج، پارٹی کا داخلی انتشار نمایاں

سماجوادی پارٹی کے سربراہ اکھلیش یادو کی ہدایت پر پارٹی کے کارکنان نے پنچایت اور بلاک پرمکھ کے انتخابات میں ہوئی دھاندلی کے خلاف ریاست کی تمام تحصیلوں میں احتجاجی مظاہرہ کیا گیا۔

ریاست اتر پردیش کے ضلع بارہ بنکی کے نواب گنج تحصیل میں بھی سماجاوادی پارٹی کے کارکنان نے احتجاج کیا۔

اس دوران پارٹی کارکنان کا فقدان اور پارٹی کا داخلی انتشار واضح طور پر نظر آیا۔

دراصل سماجوادی پارٹی کے کارکنان کو مجوزہ پروگرام کے تحت چھایا چوراہے پر واقع پارٹی دفتر سے گنا دفتر تک ریلی نکالنی تھی اور وہاں انتظامیہ کو میمورنڈم دینا تھا، لیکن سماجوادی پارٹی کے کارکنان پہلے سے ہی گنا دفتر پہنچ گئے۔

لہذا، ریلی میں چند کارکنان نظر آئے، یہی نہیں جس طرح سے سماجوادی پارٹی کے بوتھ سطح تک کارکنان ہیں، اس حساب سے احتجاج میں کارکنان کی تعداد بھی کم نظر آئی۔

وہیں، دوسری جانب پارٹی کی اندرونی خانہ جنگی کا عالم یہ تھا کہ پارٹی کے دونوں رکن اسمبلی دھرم راج یادو عرف سریش یادو اور گورو راوت اپنے اپنے گھروں سے چند کارکنان کے ساتھ گنا دفتر پہنچے تھے۔