ایس پی کارکنان نے کفن اوڑھ کر مطالبہ کیا کہ انہیں یا تو روزگار دیا جائے، نہیں تو انہیں کفن دے دیا جائے۔
ایس پی کارکنان کا کہنا ہے کہ لاک ڈاؤن کی وجہ سے روزگار ختم ہو رہے ہیں جس کی وجہ سے نوجوان اور طلبا کافی پریشان ہیں۔
بارہ بنکی شہر کے جھایہ چوراہے پر سماج وادی یواجن سبھا کے ضلع صدر آشیش سنگھ آرین کی قیادت میں سینکڑوں کی تعداد میں ایس پی کارکنان کفن نما کپڑا لے کر سڑک پر لیٹ گئے اور حکومت کے خلاف نعرے بازی کی۔
اس دوران ایس پی کارکنان 'روزگار دو یا کفن دو' کے نعرے مسلسل لگاتے رہے۔ آشیش سنگھ آرین نے کہا کہ 'لاک ڈاؤن کی وجہ سے روزگار کے ذرائع کم ہو رہے ہیں جس کی وجہ سے طلبا اور نوجوان کافی پریشان ہیں۔'
انہوں نے کہا کہ 'اگر حکومت روزگار نہیں دے سکتی ہے تو وہ ہمیں موت دے دے۔ یہی پیغام حکومت تک پہنچانے کے لیے یہ احتجاج کیا جا رہا ہے۔'