Dr Shafiqur Rahman Barq یوگا مدارس اور درگاہوں کا حصہ نہیں، ڈاکٹر شفیق الرحمان برق

سنبھل سے سماج وادی پارٹی کے رکن پارلیمان شفیق الرحمان برق نے کہا کہ یوگا مدارس اور درگاہوں کا کبھی بھی حصہ بن ہی نہیں سکتا ہے۔ اس موضوع پر بحث کی نہیں جا سکتی ہے۔ لوگوں کو اس سلسلے میں بیان بازی کرنے سے پہلے غور و فکر نے کی ضرورت ہے۔

سنبھل: ریاست اترپردیش کے ضلع سنبھل سے سماج وادی پارٹی کے رکن پارلیمان ڈاکٹر شفیق الرحمن برق نے یوگا ڈے کو لے کر بی جے پی کی قیادت والی مرکزی اور ریاستی حکومت پر تنقید کرتے ہوئے سوال کیا کہ یوگا ڈے سے کیا مراد ہے؟ اسے کیوں منایا جانا چاہیے۔ لوگوں کے پاس اس کا معقول جواب ہے کیا؟ دراصل اتر پردیش کی یوگی حکومت نے ریاست بھر کے مدارس میں یوگا ڈے پر پروگرام کے اہتمام کی ہدایات جاری کی ہے، جس پر سماج وادی پارٹی کے رکن پارلیمنٹ نے سخت ناراضگی کا اظہار کیا۔

سماج وادی پارٹی کے رکن پارلیمان ڈاکٹر شفیق الرحمان برق نے کہا کہ جہاں تک یوگا کا تعلق ہے تو یہ اچھی بات ہے، لوگ اپنے گھروں میں یوگا کر سکتے ہیں، پہلے اکھاڑے میں یوگا ہوتا تھا جہاں پہلوان ورزش کے لیے جاتے تھے، کیا پہلے یوگا نہیں ہوتا تھا، ہاں پہلے ٹریننگ کی کیا کمی تھی؟ جب سماج وادی پارٹی کے رکن پارلیمان سے پوچھا گیا کہ آخر کیا وجہ ہے کہ یوگی حکومت کی جانب سے مدارس اور درگاہوں میں یوگا ڈے کا اہتمام کرنے کی ہدایت جاری کی گئی ہے۔ اس سوال پر ڈاکٹر شفیق الرحمان برق نے جواب دیا کہ یوگی حکومت مدارس میں پریشانی پیدا کرنا چاہتی ہے۔

انہوں نے ریاستی حکومت پر الزام لگا ہے کہ وہ چاہتی ہے کہ بچے مدارس نہ جائیں۔ مسلمان بچے مذہبی تعلیم حاصل نہ کریں۔ اس کے علاوہ ان کا اور کیا ارادہ ہو سکتا ہے۔