ایس پی رہنماؤں کی گرفتاری جمہوریت کا قتل ہے: بلال برنی

سماج وادی پارٹی کے ترجمان بلال برنی نے نوئیڈا پولیس کے ذریعہ ایس پی رہنماؤں کو نظر بند کیے جانے پر ردعمل ظاہر کرتے ہوئے کہا ہے کہ حکومت نے غیر ضروری طریقے سے گرفتاری اور نظر بندی کر کے جمہوریت کا قتل کیا ہے۔

نوئیڈا سماج وادی پارٹی کے ضلع ترجمان اور میڈیا انچارج کنور بلال برنی نے کہا کہ ایس پی کے قومی صدر اکھلیش یادو کی ہدایت پر گذشتہ دنوں بلاک پرمکھ اور ضلع پنچایت صدر کے انتخابات میں بی جے پی رہنماؤں کے ذریعہ کی گئی آمریت اور بدعنوانی کے خلاف احتجاجی مظاہرہ اور گورنر کو میمورنڈم دینے کے لیے سماج وادی پارٹی کے رہنماؤں کو پہنچنا تھا۔

اس کے بعد سے مقامی پولیس انتظامیہ ایس پی کے قائدین اور رہنماؤں کا پچھلے تین دن سے تعاقب کر رہی تھی اور آج کئی رہنماؤں کو نظربند رکھا گیا اور بہت سے رہنماؤں کو تھانے میں بٹھا لیا گیا ہے۔

اس سے یہ ثابت ہوتی ہے کہ حکومت اپنے خلاف آئینی، جمہوری طریقہ سے کی جانے والی ہڑتال سے گھبرائی ہوئی ہے۔ حکومت ریاست کے ایس پی رہنماؤں کے ساتھ عام لوگوں کے بنیادی حقوق کی خلاف ورزی کررہی ہے۔

بلال برنی نے حکومت کی جانب سے کی گئی ان غیر ضروری گرفتاریوں کو جمہوریت کا قتل قرار دیا۔

واضح رہے کہ آج نوئیڈا پولیس نے سماج وادی پارٹی کے تمام لیڈران ،عہدیدارن اور کارکنان کو ان کے گھروں میں نظر بند کردیا گیا ہے یا پھر انہیں پولیس اسٹیشن میں بیٹھا کر احتجاجی مظاہرے کرنے سے روک دیا ہے۔

سماج وادی پارٹی کے نوئیڈا صدر دیپک وگ کو کل رات سے ان کے گھر پر نظر بند کیا گیا ہے، جبکہ سینیئر رہنما سورج رانا کو بھی گرفتار کر لیا گیا ہے