منشیات کے ساتھ اسمگلر گرفتار

پولیس نے چیکنگ کے دوران اسمیک تسکری کرنے والے 7 ملزمین کو گرفتار کیا ہے ، جن کے پاس سے بڑی تعداد میں اسمیک اور 8 لاکھ 95 ہزار روپے نقد برآمد ہوئے ہیں۔

ریاست اترپردیش میں سہارنپور کے گنگو علاقے میں پولیس نے چیکنگ کے دوران اسمیک تسکری کرنے والے 7 ملزمین کو گرفتار کیا ہے۔ جن کے پاس سے بھاری تعداد میں اسمیک اور 8 لاکھ 95 ہزار روپے نقد برآمد ہوئے ہیں۔

ایس ایس پی دنیش کمار کے مطابق ضلع میں اسمیک تشکری کرنے والے افراد کے لئے گزشتہ دنوں ایک اسپیشل ٹیم بنائی گئی ہے جو سہارنپور کے گنگوہ کے گھلا پڑا گاؤں کے پاس روزانہ کی طرح چیکنگ کر رہی تھی۔

اس دوران پولیس نے بڑی کامیابی حاصل کرتے ہوئے سات اسمگلر کو گرفتار کر لیا جن کے پاس سے بھاری تعداد میں اسمیک اور 8 لاکھ 95 ہزار روپے نقد ، دیگر کمپنی سیل فون بر آمد ہوئے ہیں۔

گرفتار ملزمیں میں رخسارعلی، جاوید، عابد، بصیرالدین، عرفان، اقرارخان، نثار نامی شخص شامل ہیں ۔