اتر پردیش میں نوئیڈا کے بسرکھ میں واقع کمیونٹی ہیلتھ سینٹر (CHC) میں آج ایک پروگرام منعقد ہوا جس میں ضلع کے 41 آشا ورکروں کے درمیان اسمارٹ فون تقسیم Smartphones Distributed to ASHA Workers کیا گیا۔
اس ضمن میں نوئیڈا کے ضلع پروگرام منیجر منجیت کمار نے بتایا کہ قومی صحت مشن کے تحت موبائل فون پر صحت سے متعلق متعدد اسکیمز کو چلایا جارہا ہے۔ رفتہ رفتہ تمام کام کو پیپر لیس کرنے کا منصوبہ ہے۔
پروگرام میں مہمان خصوصی کے طور پر پہنچے ایم ایل سی سری چند شرما اور محکمہ صحت کے افسران نے آشا کارکنوں میں کو فون تقسیم کیا اور کہا کہ اسمارٹ فون کی دستیابی سے آشا کارکنوں کو کام کرنے میں آسانی ہوگی۔ تمام اندراجات اب موبائل فون میں انسٹال ایپلی کیشن کے ذریعے آشا کارکن کریں گی۔
منجیت کمار نے بتایا کہ جمعہ کو اربن پرائمری ہیلتھ سنٹر سورج پور کے 17 اور سرف آباد کے تین آشا ورکروں کو اسمارٹ فون دیے گئے۔ اس کے علاوہ سی ایچ سی بسرکھ کی 21 آشا ورکروں کو بھی فون دیا گیا۔
انہوں نے کہا کہ ضلع میں شہری اور دیہی علاقوں میں کام کرنے والی تمام آشا کارکنوں کو فون دیا جائے گا۔ 340 آشا ورکرس کو ابھی فون دیے گئے ہیں۔
