مظفر نگر میں گنگا یاترا کے لیے آج خاکہ تیار کیا گیا

مظفر نگر کے ڈسٹرکٹ مجسٹریٹ سیلوا کماری جے نے آج تمام عہدیداروں کے ساتھ ایک میٹنگ منعقد کی جس میں گنگا یاترا پروگرام کا خاکہ تیار کیا گیا۔

ریاست اترپردیش کے ضلع مظفر نگر کی ڈسٹرکٹ مجسٹریٹ سیلوا کماری جے نے مظفر نگر میں ضلع مجسٹریٹ آفس کے باہر آڈیٹوریم روم میں 27 جنوری سے 31 جنوری تک گنگا یاترا کے حوالے سے ایک میٹنگ منعقد کی جس میں تمام عہدیداروں کے ساتھ جائزہ اجلاس اور گنگا یاترا کے لئے پروگرام کا خاکہ تیار کیا گیا۔

اس میٹنگ کے بعد ڈسٹرکٹ مجسٹریٹ سلوا کماری جے نے قومی ووٹرز ڈے کے موقع پر اجلاس میں موجود افسران کے تمام عہدیداروں اور ملازمین کو ملک میں جمہوری نظام بنائے رکھنے کا حلف بھی دلایا۔