Azamgarh Flood اعظم گڑھ کے 65 گاؤں میں سیلاب سے تباہی

ضلع اعظم گڑھ میں گھاگھرا ندی کا قہر بڑھتا جارہا ہے۔ اعظم گڑھ ضلع انتظامیہ کے مطابق ضلع کی سگڑی تحصیل کے دیورانچل میں بہنے والی گھاگھرا ندی کے پانی کی سطح نے گزشتہ 24 سال کا ریکارڈ توڑ دیا۔ dam broken in azamgarh ghaghara river

اعظم گڑھ: اتر پردیش کے ضلع اعظم گڑھ میں گھاگھرا ندی کا قہر بڑھتا جارہا ہے۔ گزشتہ 24 گھنٹے میں گھاگھرا ندی کے پانی سے رنگ ڈیم کی کٹائی کی وجہ سے تقریباً 65 دیہات کے سینکڑوں خاندان متاثر ہوئے ہیں۔ اعظم گڑھ ضلع انتظامیہ کے مطابق ضلع کی سگڑی تحصیل کے دیورانچل میں بہنے والی گھاگھرا ندی کے پانی کی سطح نے گزشتہ 24 سال کا ریکارڈ توڑ دیا۔ گھاگھرا ندی خطرے کے مقام سے 1.91 میٹر اوپر بہہ رہی ہے۔ ghaghara river Water Enter in Villages

مہولا سے حیدرآباد تک ڈیم میں کئی مقامات پر پانی کے رساؤ کی اطلاع مل رہی ہے۔ وہیں چھتونی گاوں کے قریب ندی کا پانی باندھ کے برابر بہنے سے گاؤں والے خوفزدہ ہیں۔ مہولا گڑھوال کے قریب تیز بہاؤکی وجہ سے رنگ ڈیم کا بڑا حصہ کٹ گیا ہے۔ لیکیج کو روکنے کے لیے پوری انتظامی مشینری کو اتار دیا گیا جب کہ گاؤں والے بھی تعاون کر رہے ہیں۔

یہ بھی پڑھیں: UP Floods جنگی پیمانے پر سبھی سیلاب متاثرین کی مدد کی جائے، یوگی

اعظم گڑھ کے ایڈیشنل ڈسٹرکٹ مجسٹریٹ (فنانس اینڈ ریونیو) نے ہفتہ کو کہا کہ بچاؤ اور راحت کا کام جنگی بنیادوں پر جاری ہے۔ سیلاب سے متاثرہ دیہات کے متاثرہ خاندانوں کو ریلیف کیمپوں میں منتقل کر دیا گیا ہے۔ موقع پر پہنچے سماج وادی پارٹی (ایس پی) کے علاقائی ایم ایل اے نفیس احمد نے انتظامیہ کی طرف سے دی جارہی راحت کو ناکافی قرار دیا۔ ایڈیشنل ڈسٹرکٹ مجسٹریٹ آزاد بھگت سنگھ نے سیلابی علاقہ سگڑی کا معائنہ کرتے ہوئے کہا کہ تحصیل سگڑی کے تحت کل 65 دیہات سیلاب سے متاثر ہیں۔ ان گاووں کی آبادی 65 ہزار ہے۔ ان میں سے 12 گاوں کی آبادی سیلاب سے بری طرح متاثر ہوئی ہے۔ ان گاؤں کے 1500 لوگوں کو ریلیف کیمپوں میں لایا گیا ہے۔

یو این آئی