مرادآباد: سڑک حادثے میں 6 افراد ہلاک، متعدد مسافر زخمی

اترپردیش کے مرادآباد میں دہلی۔لکھنؤ نیشنل ہائی وے نمبر 9 پر تھانہ پارک بڑا علاقے میں بس اور مہندرا منی ٹرک میں تصادم کے سبب 6 ہلاک اور متعدد زخمی ہوئے ہیں۔

سڑک حادثہ اتنا شدید تھا کہ موقع پر ہی 6 لوگوں کی موت ہوگئی جبکہ ایک درجن سے زائد زخمیوں کو ضلع ہسپتال میں بھرتی کرایا گیا ہے۔

بتایا جا رہا ہے کی سڑک پر پولیس کے ذریعے چیکنگ کی جا رہی تھی اسی دوران پنجاب سے اترپردیش کے پیلی بھیت جا رہی ایک منی ٹرک کو روک کر اس کی چیکنگ کی جارہی تھی اسی دوران ہماچل سے سیتاپور جا رہی ایک تیز رفتار پرائیویٹ بس کو بھی پولیس نے رُکنے کا اشارہ کیا جس کے بعد بس بے قابو ہوگئی اور اس نے منی ٹرک کو ٹکر مار دی۔

اس خوفناک حادثے میں بس میں سوار پانچ مسافر کی موقع پر ہی موت ہو گئی اور ایک درجن سے زیادہ مسافر شدید طور پر زخمی ہوئے ہیں۔

بتایا جا رہا ہے کی اس حادثے میں ایک پولیس ملازم کی بھی موت ہوئی ہے۔