امبیڈکر کی مورتی کونقصان پہنچانے کے الزام میں چھ پر مقدمہ

بلرامپور میں امبیڈکر کی مورتی کو نقصان پہنچانے اور دلت سماج کو گالیاں دینے کے الزام میں چھ افراد پر مقدمہ درج کرنے کا معاملہ سامنے آیا ہے۔

ریاست اترپردیش کے ضلع بلرامپور کے غورا چوراہے کے علاقے میں بابا صاحب امبیڈکر کی مورتی کو نقصان پہنچانے اور دلت سماج کو ذات پات پر مبنی گالیاں دینے کے الزام میں چھ افراد کے خلاف مقدمہ درج کیا گیا ہے۔

پولیس نے پیر کو بتایا کہ رتنپور گاؤں میں واقع بدھ ویہار نامی پوجا کے مقام پر لگی بابا صاحب ڈاکٹر بھیم راؤ امبیڈکر کی مورتی کو منہدم کرنے اور منع کرنے پر ذات پر مبنی گالیاں دینے کے معاملے میں پولیس نے رمیش کشیپ، رام اوتار سمیت چھ ملزموں کے خلاف نامزد مقدمہ درج کیا ہے۔

انہوں نے بتایا کہ یہ واقعہ 25 اکتوبر کی رات تقریباً سوا دس بجے پیش آیا تھا۔ سبھی ملزموں نے بدھ ویہار پوجا سینٹر میں گھس کر پٹاخے پھوڑے اوروہاں لگی بابا صاحب کی مورتی کو نقصان پہنچایا۔

الزام ہے کہ وملیش کمار، بابولال بھارتی، رامکشور، منی رام، رماکانت اور رادھے شیام بھارتی نے منع کیا تو ملزموں نے انہیں ذات پر منبی گالیاں دیتے ہوئے انہیں جان سے مارنے کی دھمکی دی۔

ڈپٹی ایس پی کرم ویر سنگھ نے بتایا کہ معاملے کی جانچ کی جارہی ہے، اور جانچ کے بعد کاروائی کی جائے گی۔