ریاستی اقلیتی کانگریس پورے ضلع اور شہر میں اپنے چیئرمین کی رہائی کے لئے دستخطی مہم چلائے گی۔ اس سلسلے میں ضلع اقلیتی کانگریس کمیٹی گوتم بودھ نگر نے شاہنواز عالم کی رہائی کے سلسلے میں ضلع میں سہ روزہ دستخطی مہم کی شروعات کی۔
سیکٹر 9 میں واقع نوئیڈا بینک آف انڈیا پر ضلع اور سٹی کانگریس کمیٹی گوتم بودھ نگر اقلیتی سیل کے ذریعہ شروع کی گئی دستخطی مہم میں سیکڑوں افراد نے دستخط کئے۔
اس موقع پر سٹی صدر کانگریس کمیٹی نوئیڈا کے صدر شہاب الدین، ڈسٹرکٹ کانگریس کمیٹی گوتم بودھ نگر، اقلیتی سیل کے چیئرمین سیف علی خان، جنوبی بلاک کے صدر موبید خان، اقلیتی ضلع کانگریس کمیٹی کے ترجمان ڈاکٹر عمران صابر ، ضلع کانگریس کمیٹی گوتم بودھ نگر اقلیتی سیل کے وائس چیئرمین اشرف خان ، انور ، ظہیر ، تنویر ، فیروز ، سمت ونود ، پریم اور ان کے تمام ساتھیوں نے دستخطی مہم میں حصہ لیا۔