Train Brake Failure in Mathura متھرا میں ٹرین کے بریک فیل ہوئے، بڑا حادثہ ہونے سے ٹل گیا

متھرا جنکشن پر ٹرین کے بریک فیل ہونے سے بڑا حادثہ ٹل گیا۔ خوش قسمتی کی بات ہے کہ ٹرین کا انجن ایک ستون سے ٹکرایا اور ٹرین رک گئی۔ Train accident at Mathura Junction

متھرا:متھرا جنکشن کے پلیٹ فارم نمبر دوپر منگل کی دیر رات ایک بڑا حادثہ ٹل گیا۔ آگرہ سے دہلی جانے والی شکور بستی ای ایم یومسافر ٹرین کی بریکیں فیل ہو گئیں۔ جس کی وجہ سے ٹرین کا انجن پلیٹ فارم پر چڑھ گیااور ایک کھمبے لوہے کے بھاری ستون سے ٹکرا گیا۔ انجن کے ٹکرانے کی وجہ سے موقع پر کہرام مچ گیا۔ خوش قسمتی ہے کہ حادثے میں کوئی زخمی نہیں ہوا۔ واقعہ کی اطلاع ملتے ہی ریلوے حکام موقع پر پہنچ گئے۔ این ڈی آر ایف کی ٹیم راحت رسانی وبچاؤ کے کام میں مصروف ہے۔ بتایا جارہا ہے کہ شکور بستی ای ایم یو مسافر ٹرین ہفتہ کی دیر رات متھرا جنکشن کے پلیٹ فارم نمبر 2 سے دہلی جا رہی تھی۔ اچانک کچھ فاصلے پر مسافر ٹرین کی بریکیں فیل ہو گئیں۔

خبر کے مطابق ٹرین کا انجن پٹری پر موجود سلیپر کو توڑ کر پلیٹ فارم نمبر 2 پر چڑھ گیا اور لوہے کے بھاری ستون سے ٹکرا گیا۔ اس کے بعد ٹرین رک گئی۔ جس کے سبب بڑا حادثہ ٹل گیا۔ متھرا جنکشن کے پلیٹ فارم نمبر دو پر مسافر ٹرین کے انجن کے بریک فیل ہونے کی اطلاع ملتے ہی ریلوے حکام نے موقع پر پہنچ کر جائے حادثہ کا جائزہ لیا۔ مسافر ٹرین کے انجن کی بریک فیل ہونے کے بعد بھی مسافر ٹرین کے ڈبے میں بیٹھے رہے۔ ریلوے افسر کی جانب سے موقع پر تحقیقات کے احکامات دیے گئے ہیں۔ ریلوے حکام موقع پر موجود ہیں۔ یہاں این ڈی آر ایف کی ٹیم بھی کاموں میں مصروف ہے۔