اس نوٹس میں یہ لکھا گیا ہے کہ کورونا وائرس کے بڑھتے ہوئے انفیکشن کی وجہ سے احتیاطی اقدام کے طور پر ، ڈین مہامنکول مندر غیر معینہ مدت کے لیے بند کردیا گیا ہے۔اور جب بھی صورتحال ہوگی تب مندر کو دوبارہ کھولنے کا ذکر بھی نوٹس میں لکھا گیا ہے۔
مندر کے بند ہونے سے سیاحوں میں مایوسی کا عالم ہے کیونکہ شراوستی کے بودھ تپوستھلی میں سال بھر میں چین، جاپان، تھائی لینڈ، سری لنکا، کوریا، برما، میانمار وغیرہ ممالک سے تقریباً دو سے تین لاکھ غیر ملکی سیاح آتے ہیں۔
کورونا وائرس کے دہشت کی وجہ سے بودھ تپوستھلی میں واقع مندر کو بند کردیا گیا دراصل بین الاقوامی سیاحتی مقام بودھ تپوستھلی شراوستی ہمیشہ غیر ملکی سیاحوں کی وجہ سے گلزار رہتا ہے لیکن اس وقت کورونا وائرس کی وجہ سے بودھ تپوستھلی اتنا گلزار نہیں دکھائی دے رہا ہے۔
بدھ تپوستھلی میں واقع ڈین مہامنکول مندر میں کورونا وائرس کی گھبراہٹ کے باعث غیر معینہ مدت کے لیے تالا لگا دیا گیا ہے۔
مندر کے علاوہ کورونا وائرس کے انفیکشن سے بچنے کے لیے خانقاہوں، مندروں اور ہوٹلوں پر بھی نگرانی کی جارہی ہے اور احتیاط کے طور پر لوگوں کو ماسک لگانے کی بھی تلقین کی جارہی ہے۔ سیکڑوں سیاحوں نے ہوٹلوں کی بکنگ کو بھی منسوخ کردیا ہے، جس کی وجہ سے ہوٹلوں میں سنّاٹا چھایا ہوا ہے۔
