یو پی مدرسہ بورڈ امتحانات کے لیے میرٹھ منڈل میں گزشتہ سال کے مقابلہ اس سال جہاں رجسٹریشن کی تعداد تقریبا61 فیصد کم ہوئی ۔وہی یو پی بورڈ اور مدرسہ بورڈ امتحانات کے ایک ساتھ ہونے کے علاوہ اس کی دوسری بھی وجوہات رہی ہیں ۔
مدرسہ منتظمین کے مطابق وقت پر امتحان اور نتائج کے اعلان کو لیکر بورڈ کے نظام کا بہتر ہونا ضروری ہے تاہم مدرسہ طالب علموں کے حق میں بہتری کے لئے دیگر بورڈ امتحانات کی تاریخوں کے ٹکراو سے بھی بچنا ضروری ہے ۔ دلچسپ بات یہ ہے کہ اکیلے میرٹھ شہر کے تین مراکز پر اس سال امتحان سے غیر حاضر رہنے والوں میں ۔ زیادہ تعداد لڑکوں کی ہے۔
نقل کو لیکر بورڈ کی سختی اور یو پی اور مدرسہ بورڈ امتحانات کی تاریخوں کا ایک ساتھ ہونا مدرسہ طلبا اور طالبات کے امتحان چھوڑنے کی ایک بری وجہ ہو سکتا ہے لیکن مدارس کے لیے سرکاری انتظامات اور سہولیات میں کمی بھی طلبا اور طالبات کے رجحان میں کمی کی بڑی وجہ ثابت ہو رہی ہے۔