ریاست اترپردیش کے ضلع رامپور کے گنگا پور میں واقع شیو مندر میں پسماندہ طبقے کی خواتین کو پوجا کرنے سے روک دیا گیا۔
متاثرہ خواتین کے مطابق وہ جب پوجا کرنے شیو مندر کے قریب پہنچیں تو ان کو آتا دیکھ اکثریتی فرقہ کے لوگوں نے مندر میں تالا لگا دیا۔
جس کے بعد پسماندہ اور اکثریتی طبقے کے لوگ وہاں جمع ہو کر ہنگامہ کیا۔
پولیس نے معاملے کا جائزہ لیکر دونوں فریق کو سمجھا بجھاکر معاملے کو ٹھنڈا کرایا۔
واضح رہے کہ وزیر اعظم نریندر مودی نے دوبارہ اقتدار میں آنے کے بعد بھلے ہی سب کا ساتھ' سب کا وکاس' اور سب کا وشواس، کا نعرہ دیا ہو لیکن زمینی سطح پر حقیقت اس کے برعکس ہے۔
زمینی حقیقت تو آج بھی یہی ہے کہ پسماندہ ،اور اعلیٰ ذات کے ما بین تفریق کرکے انسانوں کے بیج نفرت پیدا کیا جا رہا ہے۔
معاملہ دو ذاتوں کے ما بین ہونے کی وجہ سے گاؤں میں کشیدگی کی صورتحال بن گئی ہے۔پولیس نے موقع پر پہنچ کر معاملے کو فی الحال رفع دفع کر دیا ہے۔ لیکن متاثرہ خاتون کے مطابق اندرونی طور پر حالات ابھی بھی ٹھیک نہیں ہیں۔