Birth Anniversary Of Hazrat Ali مرادآباد میں حضرت علیؓ کے یوم ولادت کے موقع پر اجتماع کا اہتمام

مرادآباد ضلع کے آزاد نگرمیں امام بارگاہ میں بعد نمازعشاء حضرت علی کی یوم پیدائش کے موقع پر محفل کا انعقاد کیا گیا،اس موقع پر کثیرتعداد میں لوگوں نے محفل میں شرکت کی۔حضرت علی کے پیغام کو عام کرنے کے لئے خصوصی مہم چلائی جائے گی۔Birth Anniversary Of Hazrat Ali

مرادآباد:اترپردیش کے ضلع مرادآباد ضلع کے آزاد نگر میں امام بارگاہ میں بعد نماز عشاء حضرت علی کی یوم پیدائش کے موقع پر محفل کا انعقاد کیا گیا، اس موقع پر کثیرتعداد میں لوگوں نے محفل میں شرکت کی۔حضرت علی کے پیغام کو عام کرنے کے لئے خصوصی مہم چلائی جائے گی۔ مولانا شکیل حیدر نے تلاوت قرآن شریف سے پروگرام کا آغاز کیا۔اس موقع پر عباس حیدر زیدی نے حمد و نعت پڑھی۔ شاعر زید سرسیوی نے محفل کی نظامت کی اور صدارت مولانا مختار نے کی۔

محفل کے سب سے چھوٹے نواز اختر عرف عرش نے بھی مولا علی کی شان میں کلام پیش کیا۔اس کے علاوہ اس موقع پر موجود نئے ابھرتے ہوئے شعرا نے اپنے اپنے کلام پیش کئے۔ شیعہ عالم دین نے محفل میں حضرت علی کے پیغام پر زندگی گزارنے اور اس پر سختی سے عمل کرنے کا مشورہ دیا۔حضرت علی کے پیغام میں زندگی گزارنے کا بہتر طریقہ بتایا گیا ہے۔

محفل کے بعد مولانا شکیل حیدر نے ملک کی سلامتی اور ترقی کے لیے دعا کرائی، اس موقع پر شاعر دانش غدیری علی واحد علی مومن شبو ڈاکٹر قیام، شاعر زین سرسیوی رئیس آغا نسیم پاشا شاہنواز نقوی،ضمانت حسین،پرویز حیدر،شاہد حسین،بلال،علی واحد نقوی،عارف حسین، وغیرہ موجود تھے۔ واضح رہے کہ گزشتہ روز ریاست اترپردیش کے مختلف اضلاع میں حضرت علی کی پوم پیدائش کے موقع پر جلسہ،جلوس اور فحل کے انعقاد کا سلسلہ جا ری ہے۔