حکومت کی پابندیوں میں قوم کی بھلائی: مولانا کلب جواد

معروف شیعہ عالم دین مولانا کلب جواد نے قوم سے اپیل کرتے ہوئے کہا کہ "آن لائن مجلس سنے، اسی میں ہمارے قوم کی بھلائی ہے۔ زندگی رہی تو اگلے سال شان سے عزاداری ہوگی۔"

کورونا وبا کے مد نظر یوگی حکومت نے عزاداری، جلوس، ماتم اور تعزیہ داری کی اجازت نہیں دی۔ اس فیصلے سے مسلم سماج خاص کر شیعہ مسلمان برہم ہو گئے۔

لکھنؤ ضلع انتظامیہ اور پولیس نے تعزیہ خرید و فروخت پر پابندی عائد کر دی تھی، جس کے بعد مولانا کلب جواد اور دیگر علماء کرام دھرنا پر بیٹھ گئے تھے۔

اپیل

حکومت کے بھروسہ دلانے کے بعد رات میں ہی مولانا کا دھرنا ختم ہو گیا تھا۔

آج انہوں نے اپیل کرتے ہوئے کہا کہ "تمام سمجھدار لوگوں کو اس سچائی کا علم ہے۔ اس وقت جتنی بھی پابندیاں ہیں، وہ ہمارے ہی بھلائی کے لیے ہیں۔ سپریم کورٹ میں بھی جج حضرات نے یہی بات کہی کہ کہیں شیعہ حضرات پر کورونا پھیلانے کا الزام نہ آجائے۔"

اس لیے جو لوگ مجالس میں بھی جمع کر رہے ہیں، وہ لوگ قوم کے ہمدرد نہیں ہیں۔ آپ حضرات سے گزارش ہے کہ مجالس میں بھی جمع نہ ہوں، سب آن لائن سنیں۔

تعزیہ

اسی میں ہماری قوم کی بھلائی ہے۔ زندگی رہی تو اگلے سال شان سے عزاداری ہوگی۔

قابل ذکر ہے کہ مولانا کلب جواد کا اپیل ایسے وقت پر آئی ہے، جب ہائی کورٹ عزاداری اور تعزیہ داری کی اجازت پر فیصلہ سنا سکتا ہے۔