امروہہ: جنرل قاسم سلیمانی کی یاد میں تعزیتی جلسہ

ریاست اتر پردیش کے ضلع امروہہ کے قصبہ نوگاواں سادات کی امام بارگاہ میں ایک تعزیتی جلسہ ہلاک شدہ جنرل قاسم سلیمانی کی یاد میں منعقد کیا گیا۔

اس موقع پر مولانا یوسف عباس نے کہا کہ جس طرح امریکہ نے جنرل قاسم سلیمانی اور ان کے ساتھیوں پر دھوکے سے حملہ کرکے کے ان کو شہید کیا ہے یہ نہایت ہی غلط ہے اور ہم اس کی مذمت کرتے ہیں۔

انہوں نے کہا کہ بھارت کے وزیراعظم بھی اس بات کی مذمت کریں، انہوں سی اے اے کی مخالفت کرتے ہوئے کہا کہ ہر انسان جو بھارت میں رہتا ہے وہ بھارت کا شہری ہے اور کسی بھی انسان کو اس کے مذہب کی بنیاد پر تقسیم کرنا غلط ہے اور ہم اس قانون کی سخت الفاظ میں مذمت کرتے ہیں۔

انہوں نے کہا کی جس طرح اترپردیش کے وزیر اعلی نے خواتین کے احتجاج پر سوال اٹھائے ہیں تو انہیں یاد رکھنا چاہیے کہ آزادی کی لڑائی میں خواتین کا ایک اہم کردار رہا ہے۔