Blood Stains In Atiq Ahmed's Office عتیق احمد کے مسمار دفتر میں خون کے دھبے شاہ رخ کے تھے، پریاگ راج پولیس

عتیق احمد کے مسمار دفتر میں خون کا دھبہ ملا تھا۔ جس کے بعد یہ معاملہ کافی سرخیوں میں تھا۔ معاملہ سرخیوں میں آنے کے بعد پریاگ راج پولیس پر اس معمہ کو حل کرنے کا دباؤ بڑھ گیا تھا۔ پولیس نے سی سی ٹی وی فوٹیج کو اسکین کرنا شروع کیا اور مشتبہ افراد سے پوچھ گچھ بھی کی۔ بالآخر پولیس شاہ رخ تک پہنچ گئی۔

پریاگ راج: 24 اپریل کو چکیہ علاقے کے کربلا میں عتیق احمد کا منہدم کیا گیا دفتر اچانک سرخیوں میں آگیا۔ وہاں عتیق کے دفتر سے خون آلود سفید اسکارف اور برقع ملا۔ اس کے ساتھ زمین سے سیڑھیوں تک خون کے دھبے ملے۔ پولیس کی ایف ایس ایل رپورٹ میں معلوم ہوا کہ یہ انسانی خون تھا۔ اب پولیس کو شاہ رخ نامی اس شخص کا پتہ چلا ہے جس کا خون غلطی سے وہاں بہا تھا۔

پیر کو جب عتیق کے دفتر میں خون پایا گیا تو کئی خدشات پیدا ہو گئے۔ شبہ تھا کہ وہاں کسی کو قتل کیا گیا ہے۔ برقعہ اور اسکارف کی موجودگی کی وجہ سے وہاں خاتون کی موجودگی کی بھی قیاس آرائی کی گئی۔ معاملہ سرخیوں میں آنے کے بعد پریاگ راج پولیس پر اس معمہ کو حل کرنے کا دباؤ بڑھ گیا۔ اس کے بعد پولیس نے سی سی ٹی وی فوٹیج کو اسکین کرنا شروع کیا اور مشتبہ افراد سے پوچھ گچھ بھی کی۔ بالآخر پولیس شاہ رخ تک پہنچ گئی۔

پولیس کے مطابق عتیق کے دفتر سے ملنے والے خون کے دھبے شاہ رخ عرف لالو نامی شخص کے تھے۔ شاہ رخ نشے کاعادی ہےاور نشہ کرنے کے بعد وہ کہیں بھی جا کر چپکے سے سو جاتاہیں۔ شاہ رخ اتوار کی رات نشہ کی حالت میں عتیق احمد کے منہدم دفتر میں گیا تھا۔ شیشے کا شٹر توڑنے کے دوران شیشہ اس کے ہاتھ میں گھس گیا۔ شیشے سے ہاتھ کٹنے کے بعد خون بہنے لگا جسے روکنے کے لیے اس نے دوپٹہ کا سہارا لیا۔ پولیس نے بتایا کہ پہلی منزل سے لے کر سیڑھیوں تک خون کے نشانات صرف شاہ رخ کے تھے۔ فی الحال پولیس نے چالان کرنے کے بعد اسے چھوڑ دیا ہے۔