مظفرنگر میں شہید پارک خستہ حالی کا شکار

مظفر نگر کے ملوہپورہ محلہ میں واقع تاریخی شہید پارک ضلع انتظامیہ کی عدم توجہی کی وجہ سے خستہ حالی کا شکار ہے۔

ریاست اترپردیش میں ضلع مظفر نگر کے کوتوالی تھانہ علاقے کے ملوہپورہ محلہ میں واقع تاریخی شہید پارک آج خستہ حالی کا شکار ہے جس کو لے کر مقامی لوگوں نے کئی با ضلع انتظامیہ کو میمورینڈم پیش کیا لیکن کوئی سنوائی نہیں ہوئی۔


اطلاعات کے مطابق مظفر نگر میں 18 اکتوبر 1976 کو ہوئے نسبندی گولی کانڈ میں متعدد افراد اس مقام پر شہید ہوئے تھے، ان میں سے کچھ افراد مظفرنگر کے محلہ کھلاپار میں واقع شہید چوک پر شہید ہوئے تھے، جن کی یاد میں ملوہپورہ شہید پارک کو بنوایا گیا تھا۔ لیکن یہ پارک کئی برسوں سے خستہ حالی کا شکار ہے۔

اس پارک سے متعلق مقامی لوگوں نے کئی بار ضلع انتظامیہ سے مطالبہ کیا کہ شہید پارک کی مرمت کرائی جائے لیکن انتظامیہ کی بے توجہی کی وجہ سے آج بھی یہ پارک کوڑے کا گودام بنا ہوا ہے۔

شہید پارک میں مقامی افراد نماز جنازہ بھی ادا کرتے ہیں لیکن خستہ حالی کی وجہ سے لوگوں کو دیگر پریشانیوں کا سامنا کرنا پڑتا ہے۔