مئو: دو فریقوں کے درمیان تصادم میں نصف درجن افراد زخمی

ضلع مئو کے سرسیاگاؤں میں دوفریقین کے درمیان ہوئی جھڑپ میں متعدد افراد کے زخمی ہونے کی اطلاع موصول ہوئی ہے۔

اتر پردیش کے مئو ضلع کے سرسیا گاؤں میں دو فریقین کے درمیان ہوئے خونریز تصادم میں نصف درجن افراد زخمی ہوگئے ہیں. زخمیوں میں دو کی حالت تشویشناک بتائی جا رہی ہے.

اطلاعات کے مطابق گاؤں میں ڈی جے بجانے سے روکے جانے پر یادو اور راج بھر برادریوں کے درمیان زبردست مار پیٹ ہوئی. زخمیوں کو پولس کی مدد سے فوری طور پر سرکاری اسپتال کے ایمرجنسی وارڈ میں داخل کرایا گیا.

ڈاکٹروں کے مطابق دو افراد سنگین طور زخمی ہیں. ابتدائی طبی امداد کے بعد زخمیوں کو ضلع اسپتال مئو منتقل کر دیا گیا۔