میرٹھ: ایک ہی خاندان کے متعدد بچے فوڈ پوائزننگ کا شکار

اتر پردیش میں ضلع میرٹھ کے بھاون پور تھانہ علاقے کے گاؤں میں تقریباً ایک درجن بچے فوڈ پوائزننگ کا شکار ہوگئے جس کے بعد انہیں فوری ہسپتال پہنچایا گیا جہاں ان کی حالت خطرے سے باہر ہے۔

معاملہ میرٹھ کے تھانہ بھاون پور علاقے کا ہے جہاں اس وقت افرا تفری پھیل گئی جب آم کھانے کے بعد بچوں کی طبیعت بگڑ گئی۔

متاثرہ بچوں کی رشتہ دار کے مطابق آم کھانے کے بعد بچوں کو قئے شروع ہوئی اور اس کے بعد ان کی حالت خراب ہوتی چلی گئی۔ یہ دیکھ کر کنبہ میں ہلچل مچ گئی اور بچوں کی حالت زیادہ خراب ہوتی دیکھ سبھی کو میرٹھ کے ضلع اسپتال میں داخل کرایا گیا۔

اس درمیان ہسپتال پہنچے میرٹھ کے سی ایم او نے بتایا کہ اب تمام بچوں کی حالت خطرے سے باہر ہے اور علاج کے بعد انہیں ضلع اسپتال سے جلد چھٹی دے دی جائے گی،

آم کھانا بچوں کو اس قدر مشکل میں ڈال سکتا ہے یہ کسی نے سوچا نہیں تھا۔ ایسے میں سرپرستوں کی ذمہ داری بنتی ہے کہ وہ اپنے بچوں کو کھانے پینے کی چیزیں دینے کے دوران تھوڑا احتیاط کریں۔