Road Accident in Noida: سڑک حادثہ میں سات طلبہ زخمی

گریٹر نوئیڈا میں طلبہ سے بھری اسکولی کار حادثے کی شکار ہوگئی جس میں 14 سے 15 سال کی عمر کے سات طلبہ زخمی ہو گئے۔ Road Accident in Noida

نوئیڈا: اترپردیس کے گریٹر نوئیڈا کے سورج پور تھانہ علاقہ میں طلبہ سے بھری ایک اسکولی کار حادثے کی شکار ہوگئی جس میں 14 سے 15 سال کی عمر کے سات طلبہ زخمی ہوئے ہیں جنہیں علاج کے لئے ہسپتال میں داخل کرایا گیا ہے۔ Road Accident in Noida

اس معاملے کے حوالے سے بتایا جارہا ہے کہ کار میں سوار ہوکر تمام طلبہ اپنے کوچ کے ساتھ فٹ بال کھیلنے ڈی پی ایس ورلڈ گریٹر نوئیڈا جا رہے تھے، تبھی اچانک کار بے قابو ہوکر ایسٹر پبلک سکول کے قریب ڈیوائیڈر سے ٹکرا گئی، جس میں سوار 7 طلبہ زخمی ہوگئے۔ تمام بچے ایسٹر پبلک اسکول، ڈی پی ایس گریٹر نوئیڈا، ونستھلی اسکول اور سمرویلا اسکول کے طلبا ہیں۔ جن کی عمر 14سے 15 سال ہے۔ Road Accident in Noida

حادثے کے بعد موقع پر پہنچی پولیس نے تمام بچوں کو مقامی اسپتال میں داخل کرایا جہاں سے ابتدائی علاج کے بعد ایک بچے کو دہلی ریفر کر دیا گیا ہے۔ اس معاملے میں ضروری کارروائی کی جا رہی ہے۔