غنڈہ ایکٹ کے تحت سات افراد ضلع بدر

ایڈیشنل ضلع مجسٹریٹ نے علاقے میں دہشت پھیلانے والے کے خلاف غنڈہ انسداد ایکٹ کے تحت سات لوگوں کو ضلع بدر کیا ہے۔

ریاست اترپردیش کے ضلع پرتاپگڑھ کے مجسٹریٹ نے علاقے میں دہشت پھیلانے والے سات افراد کو غنڈہ انسداد ایکٹ کے تحت چھہ ماہ کیلئے ضلع سے باہر کر دیا گیا ہے۔

اس سلسلے میں محکمہ اطلاعات دفتر سے پیر کی تاخیر شام جاری پریس ریلیز کے بموجب ایڈیشنل ضلع مجسٹریٹ نے غنڈہ انسداد ایکٹ کے تحت تھانہ انتوں کے پردیپ پانڈے ۔تھانہ کندھئی کے حفیظ، عبدالبشیر و عبدالباقی ، تھانہ ماندھاتہ کے دلبہار ، تھانہ ہتھگواں کے ننکہ عرف رام سنگھ اور تھانہ کنڈہ کوتوالی کے گھنشیام سمیت سات افراد کو ضلع کی سرحد سے چھہ ماہ کے لیے ضلع بدر کر دیا ہے۔