مظفرنگر میں کورونا وائرس کے سات نئے کیس

مظفرنگر میں کورونا کے ایک ساتھ سات مثبت کیس ملنے سے محکمہ صحت میں ہلچل مچ گئی۔ ضلع میں اب کورونا مثبت مریضوں کی تعداد 102 ہوگئی ہے۔ جس میں آج چارمثبت مریض صحت یاب بھی ہو چکے ہیں۔

مظفر نگر میں اب تک 11 کورونا مثبت افراد کی موت بھی ہو چکی ہے۔ ریاست اترپردیش کے ضلع مظفرنگر میں کورونا وائرس کیسز برابر بڑھ رہے ہیں۔

آج 136 افراد کی رپورٹ موصول ہوئی، جن میں سات مثبت کیس پائے گئے ہیں اور دیگر تمام رپورٹیں منفی آئی ہیں۔ ان میں سے ایک گاندھی کالونی، ایک آریپوری، ایک سجوڈو، تین ساؤتھ سیول لائن اور ایک کاوال ٹیمپریری جیل سے ملے ہیں۔

کورونا وائرس کے ان سات نئے کورونا مثبت مریضوں کو بیگراج پور میڈیکل کالج مظفر نگر کے آئسولیشن وارڈ میں داخل کیا گیا ہے۔

میڈیکل کالج کے ڈاکٹروں کی ٹیم پہلے ہی تقریباً 250 متاثرہ مریضوں کو صحت یاب کر چکی ہے۔ اس کی مزید جانکاری اے ڈی ایم نے دی۔