آگرہ میں کورونا کے سات کیس مثبت پائے گئے ہیں

تاج کی نگری آگرہ میں کورونا کے سات مثبت کیس پائے گئے ہیں ،جن کا علاج دہلی کے سفدر گنج ہسپتال میں کیا جا رہا ہے، جہاں فی الحال سب کی حالت میں بہتری ہے.

ریاست اترپردیش کے آگری میں محکمہ صحت کی ٹیم نے جن علاقے میں کورونا وائرس کے مثبت کیس پائے گئے ہیں، اس جگہ کے آس پاس تین کلومیٹر کے دائرے میں ایک سروے کیا ہے۔ اور ہر ایک فرد پر نگرانی کرتے ہوئے مکانات ، فیکٹری ، ہوٹلز اور تمام علاقے کو صاف ستھرا کردیا ہے۔

تاج کی نگری میں کورونا کی دستک سے سیاحت، اور دیگر کاروبار چوپٹ ہو چکے ہیں ۔ جس کی وجہ سے مسلسل شہر میں اسکریننگ کے بعد مشتبہ افراد کے نمونے لئے جا رہے ہیں۔

آگرہ کے سی ایم او ڈاکٹر مکیش کمار وتس نے بتایا کہ، شہر میں شوز کاروباری دو سگے بھائیوں کے خاندان کے 5 رکن میں کورونا مثبت پائے گئے ہیں ، جن کا دہلی میں علاج چل رہا ہے،

محکمہ صحت کے جانب سے دونوں کاروباری بھائیوں کے گھروں اور فیکٹریوں کو صاف ستھرا کیا گیا ہے۔ اس میں کام کرنے والے ملازمین کے بھی نمونے لئے گئے ہیں۔ وہیں شوز کاروباری کے منیجر اور اس کی بیوی میں بھی کورونا مثبت پائے گئے ہیں، جس کی وجہ سے ان کے گھر کی بھی صفائی کی گئی ہے ۔

آگرہ میں کورونا کے سات کیس مثبت پائے گئے ہیں

کرونا کے قہر کو روکنے کے لئے آگرہ میں تمام فرد پر نگرانی اور علاقوں کی صفائی کی جارہی ہے۔اس علاقے میں آنے والے تین اسکولز ، فیکٹری اور ہوٹلوں کو صاف ستھرا کردیا گیا ہے۔

محکمہ صحت کا ڈور ٹو ڈور سروے ابھی جاری ہے۔