کیروسین گودام میں آتشزدگی

ریاست اترپردیش کے ضلع پرتاپ گڑھ کے تھانہ ہتھگواں علاقے کے لکھنو پریاگ راج شاہراہ پر واقع پھول متی گاوں میں ڈیزل و کیروسین گودام میں آگ گئی۔

آگ لگنے سے سیکڑوں ڈرم تیل جل گئے۔ اس واقعہ میں آگ بجھانے آئے فائر بریگیڈ انچارج سمیت تین ملازم بھی جھلس گئے۔

ڈپٹی فائر برگیڈ افسر کنڈہ انیل سنگھ نے بتایا کہ لالتا پرساد گپتا کا ہتھگواں و بہار بازار میں دو پیٹرول پمپ ہے۔

قومی شاہراہ پر ڈیزل ۔ کیروسین و سالونٹ آئل ملا کر پیٹرول بنانے کا غیر قانونی طور پر ایک گودام واقع ہے جہاں پٹرول بناتے وقت گودام میں آگ لگ گئی۔

وہیں اطلاع ملنے پر فائر بریگیڈ کی گاڑیاں پہنچ کر آگ بجھانے کا کام انجام دینا شروع کیا کہ اسی دوران ڈرم میں آگ سے دھماکہ ہو گیا۔

آگ بجھانے کے دوران فائر برگیڈ انچارج سمیت تین ملازم بھی جھلس گئے۔ سخت مشقت کے بعد آگ پر قابو پایا جا سکا۔