کورونا متاثر کی موت کے بعد ہسپتال کو سینیٹائز کیا گیا

ریاست اتر پردیش کے ضلع گورکھپور میں بی آر ڈی میڈیکل کالج میں کورونا وائرس سے متاثر مریض کی موت کے بعد میڈیکل کالج کو پوری طرح سے سینیٹائز کیا گیا ہے۔

میڈیکل کالج کے پرنسپل کا دفتر اور کورنٹائن وارڈ کو بھی سینیٹائز کیا گيا۔ اس کے علاوہ کورونا وائرس سے ہلاک ہونے والے شخص محمد حسنین کی جانچ اور علاج کرنے والے ڈاکٹر اور پیتھالاجی ملازمین کو بھی آئسولیٹ کر دیا گیا ہے۔

قابل ذکر ہے کہ حسنین کی موت میڈیکل کالج میں صبح ہوئی ہے۔ حسنین کو ضلع بستی سے لاکر بی آر ڈی ہسپتال میں اتوار کے روز بھرتی کرایا گيا تھا۔ اس سے قبل اس کا علاج بستی میں ہی چل رہا تھا۔ لیکن طبیعت بگڑنے کے بعد اسے بی آر ڈی میڈیکل کالج لایا گيا جہاں بھرتی ہونے کے 12 گھنٹے میں ہی اس نے دم توڑ دیا۔

جب حسین کو بھرتی کیا گيا تھا اس وقت اسے کھانسی تھی اور سانس لینے میں تکلیف تھی۔ اسے امرجینس وارڈ میں بھرتی کیا گیا تھا۔

اس موت سے گورکھپور-بستی دونوں اضلع کے صحت انتظامیہ میں بے چینی ہے۔ ضلع مجسٹریٹ گورکھپور کے وجیندر پانڈین نے میڈیکل کالج پہنچ کر موقع کا جائزہ لیا۔ انہوں میڈیکل کالج میں آنے جانے والے لوگوں کو بھی ایک جگہ روکے جانے کی بھی ہدایت دی ہے۔

انہوں نے کہا کہ بے وجہ لوگوں کو اس وارڈ کی جانب نہیں آنے دیا جائے گا۔ جو بھی شک کے دائرے میں آئے گا اس کی جانچ کرائ جائے گی۔