نوئیڈا: سینٹائزیشن کا عمل دوبارہ شروع

اترپردیش کے نوائیڈا میں محکمہ صحت اتھارٹی بلدیہ اور ضلع پنچایت محکمہ کی جانب سے دوسرے دن بھی بڑے پیمانے پر مختلف مقامات پر سینٹایئزیشن اور فوگنگ کی گئی۔

نوئیڈا میں حالات بد سے بدتر ہوتے جارہے ہیں ۔ کورونا کا پھیلاؤ بد ستور جاری ہے۔ اموات میں مسلسل تیزی سے اضافہ ہو رہا ہے۔
شدید تنقید کے بعد نوئیڈا میں دوبارہ سینٹائزیشن کا عمل پھر سے شروع کیا گیا ہے۔

محکمہ صحت اتھارٹی بلدیہ اور ضلع پنچایت محکمہ کی جانب سے دوسرے دن بھی بڑے پیمانے پر مختلف مقامات پر سینٹائزیشن اور فوگنگ کی گئی۔

کوورنا کے انفیکشن کے پھیلاؤ کو روکنے کے لیے مختلف رہائشی علاقوں اور بازاروں میں بھی یہ عمل جاری رہا۔

شہری علاقوں کے علاوہ دیہی بازاروں اور قصبات میں بھی کورونا کے پھیلاؤ کو روکنے کے لیے اور عوام کو تحفظ فراہم کرنے کی غرض سے سینٹائزیشن کیا گیا۔
اس سے قبل فائر بریگیڈ کی گاڑیاں بھی سڑکوں پر آگئیں اور اس خصوصی مہم میں حصہ لیا۔