بہرائج میں شیروں اور گِدھوں کے تحفظ پر ورکشاپ

بہرائچ میں محکمہ جنگلات نے شیروں اور گِدھوں کے تحفظ کے موضوع پر ایک ورکشاپ منعقد کیا۔

ٹائیگر کنزرویشن ماہ کے موقع پرشیروں اور گِدھوں کے تحفظ کے عنوان پر محکمہ کے عہدیداروں اور ملازمین کےلیے ورکشاپ منعقد کیا گیا جس میں شیروں کو محفوظ رکھنے سے متعلق اہم معلومات فراہم کی گئی۔

پروگرام میں محترمہ شیوانگی مشرا نے بطور مہمان خصوصی شرکت کی اور گِدھوں کی زندگی سے متعلق مختلف جہتوں پر تفصیل سے روشنی ڈالی۔ انہوں نے بتایا کہ مختلف پریشانیوں کے باوجود بہرائچ ضلع میں اب بھی گِدھوں کی بہت سی قسمیں پائی جاتی ہیں جبکہ یہاں ان کی آبادی میں اضافہ بھی کیا جاسکتا ہے۔

شیوانگی مشرا کو ان کی مصری گدھ سے متعلق تحقیق پر بین الاقوامی سطح کی رپورٹر فاؤنڈیشن دوارکا سے نوازا گیا ہے۔

بی این ایچ ایس سے آئے روہت نے بھی ادارے کی جانب سے گِدھوں کے تحفظ کے لیے کئے گئے اقدامات کے بارے میں تفصیلات پیش کیں۔

اس موقع پر منیش سنگھ ڈی ایف او بہرائچ، پی ایس ترپاٹھی، سب ڈویژنل فارسٹ آفیسر نانپارہ، پی سی پانڈے سب ڈویژنل فارسٹ آفیسر بہرائچ، احمد کمال صدیقی ریجنل فارسٹ آفیسر عبداللہ گنج، راشد جمیل ریجنل فارسٹ آفیسر نانپارہ، انوپ ریجنل فارسٹ آفیسر روپیڈیہا، رام ولاس یادو ریجنل فارسٹ آفیسر چکیا موجود تھے۔