بارہ بنکی: سیلف فائنانس اسکولز اساتذہ کا احتجاج

بارہ بنکی میں سیلف فائنانس سیکنڈری اسکولز کے ٹیچرز نے آج مادھیہ مک وت وہین شکشک مہاسبھا کے زیر اہتمام احتجاج کیا اور ڈسٹرکٹ انسپکٹر آف اسکول کو میمورنڈم بھی پیش کیا۔

ریاست اترپردیش کے بارہ بنکی میں سیلف فائنانس سیکنڈری اسکولز کے ٹیچرز نے آج مادھیہ مک وت وہین شکشک مہاسبھا کے زیر اہتمام احتجاج کیا اور ڈسٹرکٹ انسپکٹر آف اسکول کو میمورنڈم پیش کیا۔

اس دوران مہاسبھا کے ریاستی نائب صدر تیج کمار اپادھیائے نے کہا کہ 'لاک ڈاؤن کے دوران سب سے زیادہ خسارے میں سیلف فائنانس اسکولز کے ٹیچرز ہیں۔ ان کو تنخواہ نہیں مل رہی ہے، ایسے حالات میں حکومت ان تمام ٹیچرز کو خصوصی پیکیج فراہم کرتے ہوئے ماہانہ 15 ہزار روپے کی رقم ادا کرے۔'

انہوں نے کہا کہ 'اکھلیش حکومت ان تمام ٹیچرز کو ماہانہ رقم دیتی تھی جو اس حکومت میں نہیں مل رہا ہے۔ وہیں ایم ایل سی کے امیدوار برج کشور شکلا نے حکومت کو انتباہ دیتے ہوئے کہا کہ 'ہماری تعداد 3 لاکھ سے زائد ہے اگر ان کے مطالبہ پر غور نہیں کیا گیا تو بڑا احتجاج کیا جائے گا اور حکومت کو بھی ہٹانے کا کام کیا جائے گا۔'