ریاست اترپردیش کے ضلع بہرائچ میں مدرسہ جامعہ غازیہ سید العلوم میں ضلع اقلیتی فلاح و بہبود افسر اے کے گوتم کی ہدایت پر یوم اقلیتی حقوق کی مناسبت سے ایک پروگرام کا انعقاد کیا گیا۔
پروگرام میں مدارس کے اساتذہ کے علاوہ کوئی دوسرے اقلیتی طبقے کے رہنما یا نمائندہ نے شرکت نہیں کی۔
پرگرام میں شریک مسلم رہنما کا کہنا تھا کہ اس دن کو منانے کے لیے کسی بھی مدارس کا انتخاب کرنا صحیح نہیں ہے اگر اس پروگرام کا انعقاد مدرسے کے بجائے کسی اور جگہ پر کیا جاتا تو دوسرے اقلیتی طبقے کے لوگ بھی شامل ہوسکتے ہیں-
اسکے علاوہ مسلمانوں میں بھی صرف مدارس کے لوگوں کے علاوہ ضلع کا کوئی بھی معززین، وکلاء، ڈاکٹر، طلبہ اور میڈیا تک کو مدعو نہیں کیا گیا. جس کی وجہ سے آج اقلیتوں میں کافی ناراضگی دیکھنے کو ملی-