کورونا وائرس: گوتم بدھ نگر میں 5 اپریل تک دفعہ 144 نافذ

ملک بھر میں کورونا وائرس کا قہر جاری ہے، گوتم بدھ نگر کے پولیس کمشنر آلوک سنگھ نے ضلع میں 5 اپریل تک دفعہ 144 نافذ کردیا ہے۔

اس سے قبل گوتم بدھ نگر ضلع میں چار کورونا مثبت کیس آنے بعد کے محکمہ صحت میں ہلچل مچی گئی تھی۔ جس کے بعد تمام محکموں کو الرٹ موڈ پر ڈال دیا گیا تھا۔

وہیں تمام سرکاری افسران اور ملازمین کی چھٹی رد کردی گئی ہے۔

بدھ کے روز گوتم بدھ نگر پولیس کمشنرنے کورونا وائرس کے اثرات دیکھتے ہوئے ایک بڑا فیصلہ لیا اور 5 اپریل تک سبھی مذہبی، ثقافتی، ریلی، جلوس اور دھرنے پر مکمل طور پر پابندی لگادی ہے۔