ریاست اتر پردیش کے ضلع بہرائچ میں کوویڈ 19 کے پیش نظر ڈیزاسٹر ریلیف امدادی اسکیم کے تحت رجسٹرڈ صارفین کے اکاؤنٹ میں دوسری قسط کی رقم بھیجی جائے گی۔
محکمہ محنت کے افسر رضوان احمد نے کہا کہ 'اترپردیش بلڈنگ اور دیگر تعمیراتی ورکرز ویلفیئر بورڈ کے ذریعہ رجسٹرڈ کارکنان کے اکاؤنٹ میں دوسری قسط کی رقم ایک ہزار روپے منتقلی کی ہدایات موصول ہوئی ہے۔'
احمد نے بتایا کہ 'بورڈ میں پہلے سے رجسٹرڈ اور نئے لوگوں کی تفصیلات نہ ملنے کی وجہ سے پہلی قسط جاری نہیں کی جا سکتی ہے۔ تفصیلات مہیا ہونے پر رقم اکٹھے ہی بھیج دی جائے گی۔ وہ مزدور جن کو پہلی قسط مل چکی ہے، ان کے بینک کھاتہ موجود ہے۔'
انہوں نے بتایا کہ 'آفات سے متعلق امدادی اسکیم کے تحت دوسری قسط 1000 کی رقم فراہم کی جائے گی۔ جبکہ ایسے کارکنان جن کا اندراج 26 اپریل 2020 کے بعد ہوا ہے، ان کو امداد کی رقم کی پہلی قسط ادا کرنے کی اجازت نہیں ہوگی۔'
لیبر انفورسمنٹ آفیسر نے بتایا کہ 'ایسے کارکنان جن کے بینک اکاؤنٹ اپڈیٹ نہیں ہے وہ تیار کردہ سافٹ ویئر کے ذریعہ اپنے بینک اکاؤنٹس کو خود اپ ڈیٹ کرسکتے ہیں۔'
انہوں نے کہا کہ 'دلچسپی رکھنے والے کارکنان گوگل پلے اسٹور کے ذریعے 'یو پی بی او سی ڈبلیو' سافٹ ویئر ڈاؤنلوڈ کرسکتے ہیں۔ ایپ کو کھولنے کے بعد، اترپردیش بلڈنگ اور دیگر تعمیراتی ورکرز ویلفیئر بورڈ، محکمہ لیبر، حکومت اترپردیش کی ایک تصویر اسکرین پر نمودار ہوگی۔'
لیبر انفورسمنٹ آفیسر نے اکاؤنٹ اپڈیٹ کرنے کا طریقہ بتاتے ہوئے کہا کہ 'کارکن کی تفصیلات کی تصدیق کے لئے موبائل نمبر، رجسٹریشن نمبر یا آدھار نمبر کی ضرورت ہوگی۔ مطلوبہ ڈیٹا کو بھرنے کے بعد، تصدیق شدہ آپشن پر کلک کرنے کے بعد ایک او ٹی پی نمبر موبائل پر ظاہر ہوگا۔'
انہوں نے کہا کہ 'موبائل نمبر پر موصولہ او ٹی پی یا ڈیٹا کی دوبارہ تصدیق کرنے پر مزدور کا نام، والد / شوہر کے نام سمیت مزدور کی تفصیلات سامنے آئیں گی۔ اس کے بعد، آدھار نمبر کی بھی تصدیق کرنی ہوگی۔'
احمد نے کہا کہ 'آدھار نمبر کا ڈیٹا داخل کرنے کے بعد ایک او ٹی پی نمبر یا ڈیٹا متعلقہ کے موبائل نمبر پر واپس آجائے گا۔ موصولہ او ٹی پی کو بھرنے کے بعد، تصدیق کرنے اور دوبارہ کلک کرنے کے بعد، مزدور کے بینک اکاؤنٹ سے متعلق کالم آئے گا۔'
انہوں نے مزید بتایا کہ 'جس میں مزدور کا نام خودبخود شامل ہوجائے گا۔ اس کے بعد کارکن اپنا بینک اکاؤنٹ نمبر، آئی ایف ایس سی کوڈ، بینک کا نام اور بینک برانچ بھرے گا، اور اپ ڈیٹ کی تازہ کاری پر کلک کرے گا، ریکارڈ اپ ڈیٹ کی معلومات کامیابی کے ساتھ موصول ہوگی۔ موصولہ معلومات او کے کرنے کے بعد مزدور کا بینک ڈیٹا اپ لوڈ ہوگا۔'
