Urdu Language: اقوام متحدہ میں اردو دفتری زبان، دانشوروں نے خیر مقدم کیا

اقوام میں متحدہ میں اردو زبان کو دفتری زبان کا درجہ دیے جانے کا ریاست اتر پردیش کے بارہ بنکی ضلع کے اردو داں نے خیر مقدم کیا ہے۔ اس فیصلے پر خوشی کا اظہار کرتے ہوئے تمام اردو داں نے اقوام متحدہ کا شکریہ ادا کیا ہے۔ انہیں امید ہے کہ اس فیصلے سے اُردو زبان کے فروغ میں آسانی ہوگی۔Urdu is the Official Language at the United Nations

ریاست اتر پردیش کے بارہ بنکی شہر کی ادبی اور ملی شخصیت ڈاکٹر اے ایچ عثمانی نے کہا کہ اقوام متحدہ میں اردو زبان کو دفتری زبان کے طور پر تسلیم کیے جانے کی خبر سے وہ کافی خوش ہیں. انہوں نے کہا کہ ہمارے ساتھ جتنے بھی اردو سے منسلک لوگ ہیں وہ خوش ہیں۔ انہوں نے کہا کہ جب اقوام متحدہ نے اسے دفتری زبان کے طور پر شامل کر ہی لیا ہے۔ تو اس سے اپنے آپ اُردو کے فروغ کے راستے کھلنے لگیں گے۔ Urdu is the Official Language at the United Nations

بارہ بنکی شہر کے معروف اقلیتی ادارہ عظیم الدین اشرف اسلامیہ انٹر کالج کے پرنسپل احرار احمد نے بھی انہیں خیالات کا اظہار کیا۔ انہوں نے کہا کہ، اقوام متحدہ میں دفتری زبان کے طور پر اُردو زبان کو شامل کرنے سے پبلیکیشن میں اضافہ ہوگا جس سے اُردو کو فروغ ملے گا۔ بارہ بنکی کے جواہر لعل نہرو میموریل پوسٹ گریجویٹ ڈگری کالج کے اردو دپارٹمنٹ کے ایچ او ڈی ڈاکٹر احسن بیگ نے کہا یہ خبر باغث مسرت ہے۔

انہوں نے کہا کہ اس قبل بھی اردو کو بین الاقوامی شہرت حاصل تھی، تمام دنیا میں اردو کے مشاعرے اور سیمینار ہوتے ہیں۔ انہوں نے کہا کہ جب اقوام متحدہ میں اردو کو دفتری زبان کے طور پر شامل کر لیا گیا ہے۔ تو اس سے واضح ہے کہ اردو کی مقبولیت میں اور اضافہ ہو گیا ہے۔ انہوں نے کہا کہ اب یو این او میں تمام قسم کے پرچے اور رسالے شائع ہوں گے، وہاں اردو میں تقریر کی جا سکیں گی۔ تو اس سے اُردو کو فروگ ملے گا۔ واضح رہے کہ دو دن قبل ہی اقوام متحدہ نے اردو، ہندی اور بنگلہ کو دفتری زبان کے طور پر شامل کیا ہے۔