کورونا وائرس انفیکشن کی اس سنگین صورتحال میں انفیکشن سے بچنے کے لیے سوشل سماجی فاصلے کے ساتھ ساتھ ماسک اور سینیٹائزر جیسی چیزوں کا استعمال لازمی ہو گیا ہے۔
ایسے میں کئی افراد نے سينیٹائیزیشن کے استعمال کو آسان بنانے اور خرچ کو کم کرنے کے لیے نئے نئے تجربات سے سینیٹائزنگ مشینیں تیار کر رہے ہیں جو عام لوگوں میں بھی بہت مقبول ہو رہی ہے۔
ایسی ہی ایک مشین میرٹھ کے محمد عارف نے بھی ذاتی استعمال کے لیے تیار کی تھی لیکن نئی تکنیک کے ساتھ تیار کی گئی یہ مشین اب لوگوں کی توجہ کا مرکز بن گئی ہے۔
ملک میں كورونا وائرس سے ہر کوئی ڈرا ہوا ہے اور اس سے بچاؤ کے روز نئے تجربات بھی کئے جا رہے ہیں۔
میرٹھ کے عارف نے بھی اپنے تجربات سے سینیٹائزنگ مشین تیار کر کے لاک ڈاؤن میں اپنے لیے روزگار تلاش لیا ہے عالم یہ کہ عارف کے ذریعے تیار کی گئی اس مشین كو ضلع میرٹھ کے علاوہ اس پاس کے علاقوں میں خوب پسند کیا جا رہا ہے اور لوگ بھی آرڈرز دے کر اسے تیار کروا رہے ہیں خاص طور پر عبادت گاہوں میں اس کا استعمال کیا جا رہا ہے۔