ریاست اتر پردیش کے ضلع سنبھل سے رکن پارلیمان ڈاکٹر شفیق الرحمن برق مرادآباد پہنچے اور انہوں نے ایک پرائیویٹ ہسپتال کا افتتاح کیا۔ اس دوران میڈیا سے بات چیت کرتے ہوئے کہا کہ موجودہ دور میں ملک کے حالات اچھے نہیں ہیں۔ اس دور میں مسلمانوں کے ساتھ اس طرح سے برتاؤ کیا جارہا ہے جیسے کسی دشمن کے ساتھ برتاؤ کیا جاتا ہے۔ اس ملک کے لئے مسلمانوں نے اپنی قربانیاں دی ہیں یہ ملک سبھی کا ہے۔
مرادآباد پہنچے رکن پارلیمان ڈاکٹر شفیق الرحمٰن برق ڈاکٹر شفیق الرحمٰن برق نے مزید کہا کہ بھارتی جنتا پارٹی کو لوگ پہلے 60 فیصد پسند کرتے تھے اور اب صرف 24 فیصد ہی لوگ پسند کرتے ہیں۔ سال 2022 اترپردیش انتخابات میں سماجوادی پارٹی یقیناً جیت درج کرے گی۔
مرادآباد پہنچے رکن پارلیمان ڈاکٹر شفیق الرحمٰن برق انہوں نے کسانوں کے مسائل بولتے ہوئے کہا کہ کسان اپنے حق کیلئے احتجاج کر رہے ہیں لیکن حکومت ان کی کسی بھی بات کو سننے کے لئے تیار نہیں ہے
وہیں ہسپتال کے انتظامیہ ڈاکٹر نتن سینی نے کہا کہ ہم نے اس اسپتال کا افتتاح غریب بے سہارا لوگوں کے لئے کیا ہے تاکہ انکو بہتر علاج مل سکے ہماری او پی ڈی کی فیس 150 روپیہ ہے۔
