ریاست اتر پردیش میں سماجوادی پارٹی کی جانب سے ضلع میرٹھ کے کمشنری پارک میں ہزاروں سماجوادی کارکنان نے صوبائی حکومت کے خلاف دو گھنٹے کا مون برت رکھا۔اس طرح یوگی حکومت کے خلاف انھوں نے ناراضگی کا اظہار کیا۔
میرٹھ میں سماج وادی پارٹی کا مون ورت اس موقع پر سماج وادی رہنما شاہد منظور نے کہا کہ یہ مون ورت یوگی حکومت کی عوام دشمن پالیسز کے خلاف منعقدکیا گیا۔ہاتھرس واقعہ اور کسان مخالف زرعی قانون کی مخالفت کی گئی۔
انھوں نے کہا کہ سماجوادی پارٹی مسلسل یوگی حکومت کی عوام دشمن پالیسز کے خلاف جدوجہد کررہی ہے اور یہ سلسلہ جاری رہے گا۔
ہاتھرس اجتماعی جسنی زیادتی اور قتل واقعے نے پورے ملک کو ہلاکر رکھ دیا ہے۔ بتایا گیا کہ متاثرہ لڑکی کی آخری رسومات اہل خانہ کو بتائے بغیر پولیس نے ادا کردیے۔ اس واقعے پر کئی سوال کھڑے ہورہے ہیں جس کے جواب حکومت اور انتظامیہ کو دینا ہے۔
یہ بھی پڑھیں:نوئیڈا: ہاتھرس کی بیٹی کو انصاف دلانے کے لئے کینڈل مارچ
