ایس پی کارکنان کا اعظم خاں کی رہائی اور مہنگائی کے خلاف احتجاج

اتر پردیش کے سابق وزیر اعلیٰ اکھلیش یادو کے حکم پر مرحوم جنیشور مشرا کے یوم پیدائش کے موقع پر سائیکل یاترا ریلی نکالی گئی۔ یہ ریلی ملک بھر میں مہنگائی، بے روزگاری خواتین پر ظلم اور زرعی قوانین کی واپسی اور اعظم خاں کی رہائی کو لیکر پوری ریاست میں سائیکل یاترا نکالی گئی۔

ریاست اتر پردیش کے مرادآباد میں بھی جگہ جگہ سائیکل یاترا ریلی کا انعقاد کیا گیا۔

مرادآبد کے کانٹھ اسمبلی علاقے میں ایک سائیکل یاترا ریلی نکالی گئی جس میں ہزاروں کارکنان ایک ساتھ سائیکل پر سوار ہوکر ڈائیمنڈ دھرم کانٹے سے اس ریلی کی شروعات کی گئی اور یہ ریلی تحصیل کانٹھ نگر ہوتے ہوئے محلہ پٹی والا پہنچی۔

اس دوران سماجوادی پارٹی کے رہنما حاجی عثمان نے کہا کہ ہماری اس ریلی کا مقصد اعظم خاں پر چل رہے فرضی مقدموں کے واپس لیے جانے کے ساتھ ہی انہیں جیل سے رہا کیا جانا چاہیے۔