میرٹھ: یوگی حکومت کے خلاف سماجوادی پارٹی کا احتجاج

سماجوادی پارٹی کے کارکنان نے آج یوگی حکومت کے خلاف میرٹھ میں جم کر احتجاج کیا اور گورنر کے نام ضلع مجسٹریٹ کو ایک میمورنڈم پیش کیا۔

اترپردیش کے ضلع میرٹھ میں سماجوادی پارٹی کے سابق وزیر شاہد منظور کی قیادت میں آج سینکڑوں پارٹی کے کارکنان نے یوگی حکومت کے خلاف ضلع کلکٹریٹ کے باہر جم کر احتجاج کیا۔

اس دوران سماجوادی پارٹی کے سابق وزیر شاہد منظور نے یوگی حکومت کو غنڈوں کی حکومت بتاتے ہوئے کہا کہ 'موجودہ حکومت اپنی طاقت کا غلط استعمال کرکے بھلے ہی پنچایت انتخابات میں کامیاب ہوئی ہو، لیکن 2022 کے الیکشن میں ایسی حکومت کو باہر کا راستہ دکھانے کا کام سماجوادی پارٹی کرے گی۔

وہیں رکن اسمبلی رفیق انصاری نے بی جے پی حکومت پر تنقید کرتے ہوئے کہا کہ 'سماجوادی پارٹی کے سینئر لیڈر آعظم خان کے خلاف جھوٹے مقدمات اور بیماری کے باوجود ان کو جیل بھیجا گیا۔ انہیں موضوعات کر لیکر آج سماجوادی پارٹی کے سینکڑوں کارکنان نے یوگی حکومت کو آگاہ کرتے ہوئے ایک میمورنڈم گورنر کے نام ضلع مجسٹریٹ کو سونپا گیا ہے۔

وہیں احتجاجیوں کا کہنا تھا کہ یوپی میں اب یوگی کا گنڈا راج ختم ہورہا ہے اور سماجوادی پارٹی کی حکومت آرہی ہے۔