مرادآباد:رکن پارلیمان ڈاکٹر ایس ٹی حسن نے وزیر اعظم مودی کے ہاتھوں ایودھیا میں رام مندر کے افتتاح پر اپنا رد عمل ظاہر کرتے ہوئے ہم نے یہ بھی سنا ہے کہ وزیر اعظم اس کا افتتاح کرنے جائیں گے لیکن میں سمجھتا ہوں کہ یہ اور ان سنتوں اور بڑے مندروں کے پجاریوں کو فیصلہ کرنا چاہیے کہ وہ اپنے میں سے سب سے بڑے مہنت کے ہاتھوں افتتاح کرائیں تو بہتر ہوگا۔انہوں نے کہا کہ رام چندر پر سیاست نہیں ہونی چاہیے۔ لیکن کچھ لوگوں نے ان پر ہمیشہ سیاست کی ہے۔ اسی کی وجہ سے اس پارٹی نے ترقی کی ہے۔ اب وہ رام مندر پر بھی سیاست کریں گے اور اس کا افتتاح کرنے کی کوشش کریں گے۔
سماج وادی پارٹی کے رکن پارلیمان ڈاکٹر ایس ٹی حسن نے کہا کہ بھگوان رام کے نام پر سیاسی فائدہ اٹھانا غلط ہے۔ رام کے نام پر پولرائزیشن کی سیاست کی جارہی ہے۔ سماج وادی پارٹی کے بڑے لیڈروں کو ایودھیا سے دعوت ملی تو وہ ضرور جائیں گے۔سماج وادی پارٹی کے لیڈر بھارتیہ جنتا پارٹی سے زیادہ بھگوان رام کو مانتے ہیں۔