سماج وادی پارٹی کے قومی صدر اکھلیش یادو کے بیان کے بعد سماج وادی پارٹی کے متعدد رہنما سڑکوں پر اُتر آئے اور انہوں نے کلکٹریٹ میں حکومت کے خلاف نعرے بازی کی۔
سماج وادی پارٹی کارکنان کا یوگی حکومت کے خلاف مظاہرہ گذشتہ دنوں جھانسی میں ہوئے پشپندر یادو انکاونٹر کے خلاف سماج وادی پارٹی نے احتجاج کیا ہے۔
سماج وادی پارٹی کے رہنماؤں کا کہنا ہے کہ 'اگر حکومت نے پشپندرا کا قتل کرنے والے انسپیکٹر پر مقدمہ درج کر کے کاروائی نہ کی تو پرزور تحریک چلائی جائے گی۔'
سماج وادی پارٹی کے رہنماؤں نے جھانسی انکاؤنٹر کو فرضی بتاتے ہوئے ملزم انسپیکٹر کے خلاف کارروائی کا مطالبہ کیا ہے، اس کے علاوہ متنبہ کیا ہے کہ اگر ایسا نہ کیا گیا تو مزید مظاہرہ کیا جائے گا۔
