Azam Khan: اعظم خان کی ایک بار پھر طبیعت بگڑی، لکھنؤ لے جانے کی تیاری

سماج وادی پارٹی کے رہنما اور رام پور کے رکن پارلیمان اعظم خان کی طبیعت ایک بار پھر خراب ہوگئی ہے۔

سماج وادی پارٹی کے رہنما اعظم خان کی طبیعت ایک بار پھر بگڑ گئی ہے۔ ڈاکٹروں کی ٹیم پیر کی صبح جیل پہنچی جس کے بعد اعظم خان کو ضلعی ہسپتال لے جایا گیا ہے اور وہاں سے لکھنؤ لے جانے کی تیاریاں کی جارہی ہیں۔

انہیں سانس لینے میں دشواری ہورہی تھی جس کے بعد ڈاکٹروں کی ٹیم پیر کی صبح ہی جیل پہنچی۔

آپ کو بتادیں کہ اعظم خان اتر پردیش کے سیتاپور کی جیل میں بند ہیں۔ کچھ دن پہلے بھی ان کی طبیعت خراب ہوئی تھی۔

واضح رہے کہ 30 اپریل کو اعظم خان اور ان بیٹے عبد اللہ کے آر ٹی پی سی آر ٹیسٹ میں کورونا انفیکشن کی تصدیق ہوئی تھی۔ اس کے بعد انہیں میدانتا ہسپتال میں داخل کرایا گیا تھا۔

ایس پی کے رکن پارلیمان اعظم خان کے ساتھ ان کے بیٹے عبد اللہ اعظم کو بھی ہسپتال میں داخل کیا گیا تھا۔ اس دوران اعظم خان کو آئی سی یو میں بھی رکھا گیا۔