یوگی حکومت کے خلاف سماجوادی پارٹی کا مظاہرہ

آنجہانی رہنما جنیشور مشرا کی یوم پیدائش کے موقع پر سماجوادی پارٹی کے قومی صدر اور سابق وزیر اعلیٰ اکھلیش یادو کی کال پراترپردیش کے تمام اضلاع میں سائکل ریلی نکالی گئی۔

نوئیڈا میں مختلف سیکٹروں کا احاطہ کرتے ہوئے سائیکل ریلی نکالی گئی۔اس ریلی کے ذریعہ سماجوادی پارٹی نے انتخابی تیاری کا بھی اعلان کر دیا ہے۔ ساتھ ہی طاقت کا بھی مظاہرہ کیا۔

سماج وادی پارٹی کے رہنماؤں کا کہنا ہے کہ سائیکل ریلی بے روزگاری ، کسانوں اور کئی مسائل پر بشمول خواتین پر مظالم کے خلاف نکالی گئی۔ بی جے پی حکومت میں خواتین محفوظ نہیں ہیں۔خواتین کو مسلسل ہراساں کیا جا رہا ہے۔ اور مجرموں کی حکمرانی ہے۔سیکٹر 12 سے سائیکل ریلی نکلی ، جسے سابق وزیر ایوب انصاری نے جھنڈی دکھا کر روانہ کیا۔ سیکٹر 12 سے سیکٹر 11 ، سیکٹر 8 ، 9 ، 10 ، 19 ، 26 ، ڈی ایم چوراہے ہوتے ہوئے ریلی جھنڈ پورہ گاؤں پہنچی جہاں سائیکل ریلی ختم ہوئی۔

وہیں سماج وادی پارٹی کے دفتر سالار پور سے شروع ہو کر مختلف گاؤں سے ہوتے ہوئے نٹھاری میں ختم ہوئی۔نٹھاری گاؤں سیکٹر 31 میں ایس پی کارکنوں نے کیک کاٹ کر جنیشور مشرا کی سالگرہ منائی۔ اس دوران سینکڑوں ایس پی کارکنوں نے حکومت کے خلاف نعرے لگائے۔

سماج وادی پارٹی کے سابق صدر صوبے یادو نے کہا کہ بی جے پی حکومت میں غریب ، مزدور ، تاجر ، کسان ، نوجوان سب پریشان ہیں۔ مسلسل لوگ بے روزگار ہو رہے ہیں اور نوجوانوں کو پڑھ لکھ کر بے روزگاری کا سامنا کرنا پڑ رہا ہے۔

آئندہ اسمبلی انتخابات میں اکھلیش یادو کی قیادت میں ایس پی کی حکومت بنے گی اور پہلے کی طرح اتر پردیش اتم پردیش بننے کی راہ پر چل پڑے گا۔

اس موقع پر سید آفاق نے کہا کہ اکھلیش یادو کی حکومت میں نوئیڈا سمیت پوری ریاست میں ترقی کا ایک نیا باب لکھا گیا ، لیکن بی جے پی حکومت نے سماجی تانے بانے مسخ کرنے کے علاوہ کوئی ترقیاتی کام نہیں کیا۔