UP Civic Body Poll سماج وادی پارٹی کی امیدوار ثمینہ اعظم خواتین کی آواز بننا چاہتی ہیں

مرادآباد کے کنڈرکی سے سماج وادی پارٹی کی امیدوار ثمینہ اعظم نے کہاکہ وہ ایک خاتون ہیں اس لئے وہ اپنی بنہوں کے دکھ درد سے اچھی طرح واقف ہیں۔ بلدیاتی انتخابات میں کامیابی حاصل کرنے کے بعد ان کو خود مختار بنانے اور ان کے مسائل کو حل کرنے کے لئے کام کریں گی۔

مرادآباد:ریاست اترپردیش میں ہونے والے بلدیاتی انخبات کہ تیاریاں مکمل کرلی گئی ہے۔تمام سیاسی جماعتوں کے امیدواروں نے انتخابی مہم کے آخری دن جم کر انتخابی مہم چلائیں۔امیدواروں نے ووٹرز کی توجہ اپنی اپنی طرف مبذول کرانے کی کوشش کی۔

مرادآباد کے کنڈرکی سے سماج وادی پارٹی کی امیدوار ثمینہ اعظم نے تشہیری مہم کے دوران لوگوں سے ملاقات کی۔ انہوں نے خواتین سے ملاقات کی اور ان کے مسائل پر بات چیت کی۔

سماج وادی پارٹی کی امیدوار ثمینہ اعظم نے ای ٹی وی بھارت اردو سے خصوصی بات چیت میں کہا کہ یہ علاقہ اقلیتی اکثریتی علاقہ ہے لیکن یہاں کے لوگوں کو مرکزی اور ریاستی حکومت کی جانب سے چلائی جارہی اقلیتی اسکیموں کا فائدہ نہیں مل رہا ہے۔ ریاستی حکومت اس کے لئے بہت سی اسکیمیں ہیں لیکن سیاسی لوگ ان اسکیموں کا فائدہ عوام تک نہیں پہنچاتے، پردھان منتری آواس یوجنا کا بھی عوام کو فائدہ نہیں پہنچا، میرا مقصد علاقے کی ترقی،خواتین کو خودکفیل بنانے اور ان کے مسائل حل کرناہے۔

ثمینہ اعظم نے کہا کہ میں نے ہمیشہ عوام کے لئے کام کیا ہے اور ہمیشہ عوام کے لئے کام کرتی رہوں گی۔،میں ریاست میں خواتین کی آواز بننا چاہتی ہوں۔تاکہ انہیں احساس ہو کہ ان کے لئے بھی کوئی ہے۔

ان کا کہنا ہے کہ وہ عوامی رہنما ہیں۔ عوام کے لئے کام کرنا چاہتی ہیں۔ امید کرتی ہوں کہ خواتین ہمیں بھرپور حمایت کریں گی۔ اسی لئے میں ان کے گھروں تک پہنچ رہی ہوں۔ خواتین کی جانب سے بھی ہمیں مثبت ردعمل میں رہا ہے۔