ریاست اتر پردیش میں واقع امروہہ کے نوگاواں سادات اسمبلی حلقہ میں ہونے والے ضمنی انتخاب کے لئے سماج وادی پارٹی کے امیدوار جاوید عابدی نے کاغذات نامزدگی داخل کیا ہے۔
اس دوران انہوں نے بہوجن سماج پارٹی کو بھارتیہ جنتا پارٹی کی 'بی پارٹی' بتایا۔
نوگاوا اسمبلی سے سابق کابینہ کے وزیر چیتن چوہان کی انتقال کے بعد نوگاوا میں ضمنی انتخاب ہونا ہے۔
اس نشست کے لیے اصل مقابلہ ایس پی، بی ایس پی اور بی جے پی کے درمیان ہے۔
نامزدگی کے آخری دن سابق وزیر اور سماجوادی پارٹی کے قومی سکریٹری اور امیدوار جاوید عابدی نے امروہہ صدر کے ایم ایل اے محبوب علی کے ساتھ نامزدگی داخل کی۔
میڈیا سے گفتگو کرتے ہوئے جاوید عابدی نے کہا کہ 'جب جب بھارتیہ جنتا پارٹی کو اپنی شکست کا خطرہ ہوتا ہے تو وہ اپنی بی پارٹی بہوجن سماج پارٹی کا سہارا لیتی ہے'۔
انہوں نے کہا کہ 'آزادی کے بعد سے آج تک کسانوں نے بی جے پی حکومت کے دوران سب سے زیادہخودکشیکی ہے۔ جب کی بی جے پی حکومت کسانوں سے صرف وعدے کرتی ہیں'۔
جاوید عابدی نے کہا کہ 'سماجوادی پارٹی کسانوں کی پارٹی ہے اور کسانوں کی بارے میں سوچتی ہے، اس کے علاوہ باقی سماج کے مختلف طبقات کے لیے بھی سوچتی ہے'۔
