سماج وادی پارٹی ہائی کمان کی ہدایات پر نوئیڈا مہانگر یوتھ فرنٹل سیل کے کارکنان نے کسانوں کی حالت زار، مہنگی تعلیم، بے روزگاری، نجی کاری میں بدعنوانی، ریزرویشن، بی ایڈ امتحان میں دلتوں کے مفت داخلے وغیرہ معاملات پر سٹی مجسٹریٹ کو گورنر کے نام میمورنڈم پیش کیا۔
اس احتجاج کی قیادت یوجنا سبھا نوئیڈا رورل کے صدر انیل پنڈت نے کی۔ کارکنان دفتر کے باہر جمع ہوئے اورکسان مخالف ، نوجوان مخالف حکومت نہیں چلے گی جیسی نعرے بازی کرتے ہوئے دفتر میں داخل ہو گئے۔
اترپردیش: حکومت کی ناکامیوں کے خلاف سماجوادی پارٹی کا احتجاج اس موقع پر ایس پی کے سابق ترجمان راگھویندر دبے نے کہا کہ اتر پردیش میں قتل ، لوٹ مار اور جنسی زیادتی کے معاملات میں اضافہ ہورہا ہے۔ بہن بیٹیاں یہاں محفوظ نہیں ہیں۔ امن و امان مکمل طور پر ختم ہوچکا ہے۔ کسانوں کو خودکشی پر مجبور کیا جارہا ہے ۔ اترپردیش میں منعقدہ بی ایڈ انٹری امتحان میں دلت طلبا پر مفت داخلے پر پابندی عائد کردی گئی ہے ، جس کی وجہ سے طلبا میں غم و غصہ پایا جارہا ہے۔
اس موقع پر یوجن سبھا کے چیئرمین انیل پنڈت نے کہا کہ نجکاری میں بدعنوانی ہورہی ہے۔ نوجوان بے روزگار ہیں اور کام ضائع ہو رہا ہے ، لیکن بی جے پی حکومت کو ہندو مسلمان کے علاوہ فرصت نہیں ہے۔
