Commotion in Saharanpur Hospital: علاج کے دوران خاتون کی موت، اہل خانہ کا ہسپتال میں ہنگامہ

سہارنپور میں علاج کے دوران خاتون کی موت ہونے پر اہل خانہ نے ہسپتال میں ہنگامہ آرائی شروع کردی۔ اہل خانہ نے ہسپتال کے اسٹاف پر مارپیٹ کرنے کا بھی الزام عائد کیا۔Saharanpur Woman dies During Treatment

سہارنپور:ریاست اترپردیش کے سہارنپور میں واقع گنگوہ کی خاتون کی علاج کے دوران موت ہو جانے کے بعد اہل خانہ نے نرسنگ ہوم میں زبردست ہنگامہ کیا۔ Saharanpur Woman dies During Treatment, Family Creates Commotion in Hospital

اتنا ہی نہیں اہل خانہ اور ملازمین کے درمیان مارپیٹ بھی ہوئی اطلاع ملنے پر تھانہ صدر بازار پولیس موقع پر پہنچی اور اہل خانہ کو خاموش کیا۔

گنگوہ کے رہنے والے سندیپ نے بتایا کہ ان کی بیوی کو تین روز قبل نرسنگ ہوم میں داخل کرایا تھا۔ ان کی بیوی کا علاج صحیح طریقے سے نہیں کیا گیا۔ ان کی بیوی کو بیٹا پیدا ہوا لیکن بیوی کی علاج کے دوران ہی موت واقع ہوگئی۔

انہوں نے بتایا کہ گزشتہ 20 فروری کو ان کی بیوی کو سہارنپور میں واقع سہگل نرسنگ ہوم میں داخل کرایا گیا تھا۔

اس معاملہ کو لے کر اہل خانہ سے پولیس نے تحریر مانگی، لیکن بعد میں خاتون کے اہل خانہ نے کسی قسم کی کارروائی کرنے سے انکار کردیا اور لاش کو بغیر پوسٹ مارٹم کے اپنے ساتھ لے گئے۔

واضح ہو کہ مذکورہ نرسنگ ہوم کا تنازعات سے پرانا رشتہ رہا ہے، کئی مرتبہ یہاں پر حاملہ خواتین یا پھر بچوں کی موت واقع ہوچکی ہے، جس کو لے کر کئی مرتبہ نرسنگ ہوم میں ہنگامہ آرائی بھی ہوچکی ہے، لیکن اس معاملہ میں آج تک کوئی کارروائی نہیں ہوپائی ہے۔