سہارنپور:سماجوادی پارٹی کی ضلع میڈیکل سیل کی نئی ٹیم تشکیل دی گئی

سماجوادی پارٹی کے رہنما ڈاکٹرراجیش شرما نے کہا کہ جو ذمہ داری پارٹی کی جانب سے انہیں سونپی گئی ہے اسے وہ ایمانداری کے ساتھ ادا کریں گے اور آنے والے 2022 کے اسمبلی انتخابات میں اس کا اثر دیکھنے کو ملے گا۔

ریاست اترپردیش کے ضلع سہارنپور میں سماجوادی پارٹی کی میڈیکل سیل کی اہم میٹنگ کا انعقاد ناگل علاقہ میں ٹپری روڈ پر واقع ڈاکٹر راجیش شرما کی رہائش گاہ پر کیا گیا، جس میں پارٹی کی ضلع میڈیکل یونٹ کی تشکیل عمل میں آئی۔ میڈیکل سیل کے ضلع صدر ڈاکٹر راجیش شرما نے اپنی نئی ٹیم تشکیل دی۔

اس موقع پر سابق اسمبلی رکن اور دیوبند اسمبلی حلقہ انچارج معاویہ علی، سابق ریاستی سکریٹری اسعد جمال فیضی،اسمبلی حلقہ صدر رمیش کمار وغیرہ موجودرہے۔

ڈاکٹر راجیش شرمانے کہاکہ جو ذمہ داری پارٹی کی جانب سے انہیں دی گئی ہے اسے وہ ایمانداری کے ساتھ ادا کرینگے اور آنے والے 2022ءکے اسمبلی انتخابات میں اس کا اثر دیکھنے کو ملے گا۔

مذکورہ کمیٹی میں ڈاکٹر وسیم صدیقی اور ڈاکٹر سمندر کمارجنرل سکریٹری،ضلع نائب صدر کے لئے ڈاکٹر فاطمہ،ڈاکٹر ومل کمار دکشت کو منتخب کیاگیا ہے۔، جبکہ ضلع سکریٹری کے عہدے کے لئے لئے ڈاکٹر نوید انصاری،ڈاکٹر شوم تیاگی،سچن شرما،تیرس پال سنگھ،ڈاکٹر منوج کمار،ڈاکٹر پردیپ،ڈاکٹر ندیم شاد کو منتخب کیا گیا۔

جبکہ ممبران کے طور پر ڈاکٹر منیر،ڈاکٹر ذوالفقار رانا،راہل کمار،پون کمار، پروین کمار،نوید پٹھان کے منتخب کئے گئے۔ ڈاکٹر اکمل جمال فیضی کو خازن منتخب کیاگیا۔