سہارنپور: پولیس کے ساتھ تصادم میں ایک بدمعاش زخمی

سہارنپور پولیس مسلسل بدمعاشوں پر نظر رکھے ہوئے ہیں جبکہ انہیں گرفتار کرنے کےلیے علاقہ میں مہم چلائی جارہی ہے۔

اترپردیش کے سہارنپور میں بدمعاشوں کی گرفتاری کے لیے پولیس کی مہم جاری ہے جس کے تحت گزشتہ روز رات دیر گئے بیہٹ پولیس نے لانڈھورا چوکی کے قریب چیکنگ کے دوران مانک موٹر سائیکل پر سوار دو بدمعاشوں کو روکنے کی کوشش کی جس کے بعد انہوں نے پولیس پر فائرنگ کردی۔

بیہٹ پولیس نے جوابی کاروائی کرتے ہوئے بدمعاشوں پر فائرنگ کی جس میں لکھنوتی کا رہنے والا انیل زخمی ہوگیا۔ فرار ہونے کی کوشش میں زخمی انیل کو ہسپتال میں شریک کیا گیا جبکہ اس کا دوسرا ساتھی فرار ہونے میں کامیاب ہوگیا۔

پویس فرار ہونے والے دوسرے بدمعاش کی تلاش میں ہے اور انیل کے قبضہ سے ایک موٹر سائکل، طمنچہ اور کارتوس کو برآمد کرلیا۔ انلیل کے خلاف مختلف تھاموں میں 19 مقدمات درج ہونے کی اطلاع ملی ہے۔

اس سلسلے میں ایس پی اشوک کمار مینا نے صحافیوں کو بتایا کہ گزشتہ رات دو بدمعاشوں نے پولیس پر فائرنگ کردی جس کے جواب میں پولیس کی جانب سے کی گئی فائرنگ میں ایک بدمعاش زخمی ہوگیا جبکہ دوسرے فراد بدمعاش کی تلاش جاری ہے۔